conto kalimat sifat bahasa sunda

Anu disebut kalimah sifat atawa kalimah kaayaan, nyaeta kalimah anu caritaannana atawa predikatna mangrupa kecap sifat. Kalimah anu miboga subjek atawa jejer, predikat atawa caritaan atawa predikat, objek jeung katerangan, disebutna kalimah sampurna. Sedengkeun kalimah anu ngan saukur miboga jejer wungkul, atawa caritaan wungkul, atawa subjek wungkul, atawa katerangan wungkul, disebutna kalimah teu sampurna. Conto kalimah sifat nyaeta saperti:

"Amir mah budak bageur, ka sasaha teh sok tutulung" (kecap sifatna nyaeta bageur)

Salian ti kalimah sifat aya oge anu disebut kalimah pagawean, kalimah barang jeung kalimah bilangan. Kalimah pagawean nyaeta kalimah anu caritaannana mangrupa kecap pagawean. Kalimah barang nyaeta kalimah anu caritaannana mangrupa kecap barang. Kalimah bilangan nyaeta kalimah anu caritaannana mangrupa kecap bilangan.