Ciro ciri novel sunda

Novel nyaeta karya sastra dina wangun lancaran atawa prosa. Aya dua rupa prosa, nyaeta prosa moderen jeung prosa buhun. Novel kaasup kana prosa moderen. Conto prosa moderen lianna, salian ti novel, nyaeta carita pondok atawa carpon. Sedengkeun conto prosa buhun nyaeta dongeng jeung carita wayang.  

Pembahasan

Carita nu aya dina hiji novel miboga carita anu panjang ngeunaan kahirupan hiji jalma sarta jalma lianna anu aya di sabudeureunnana. Kusabab caritana panjang, carita anu aya dina novel bisa nonjolkeun atawa ngebrehkeun sipat jeung watek unggal palaku sacara leuwih rinci dibandingkeun jeung carita anu aya dina carita lianna, saperti carpon.

Umpama panjang carita carpon biasana ngan saukur 5 nepi ka 10 kaca majalah, carita nu aya dina novel mah panjangna bisa mangrupakeun hiji buku. Di handap ieu nyaeta ciri-ciri novel sacara lengkep:

1. Carita nu aya dina novel biasana miboga eusi anu mangrupa carita khayal atawa bisa oge carita nyata.
2. Anu nulis novel biasana jelas atawa puguh saha-sahana.
3. Novel kaasupna kana carita prosa anyar atawa prosa moderen.
4. Carita nu aya dina novel biasana mangrupa carita rakyat sentris, realistis, materi caritana dicokot tina kahirupan nu aya di rakyat sakitar, sarta biasana dipangaruhan ku sastra barat.
5. Eusi carita nu aya dina novel, biasana miboga tema bebas, sarta miboga sifat dinamis.
6. Palaku anu aya dina novel mah biasana ngan jelema wungkul, beda jeung dongeng anu palakuna bisa mangrupa jelema, sato atawa tutuwuhan.
7. Carita khayal anu aya dina novel biasana logis sarta realistis, henteu siga carita nu aya dina dongeng anu biasana pamohalan atawa teu asup kana akal.

Pelajari lebih lanjut

• Naon nu dimaksud novel https://brainly.co.id/tugas/8770348
• Cara nganalisis novel https://brainly.co.id/tugas/9548939
• Naon bedana novel jeung carpon https://brainly.co.id/tugas/6136771

__________

Detil Jawaban

Kelas : IX

Mapel : Bahasa Sunda - Maca Novel

Bab : 5

Kode : 9.13.5

Kata Kunci : Novel, dongeng, carita wayang, carpon